Болот Мамбетов айыл өкмөтү тарабынан Ак-Сай айылындагы селден коргоочу курулмаларда пландуу иштер жүргүзүлдү. Иш-чаралар Тоң райондук мамлекеттик администрациясынын жана КР ӨКМге караштуу тиешелүү департаменттин колдоосу менен ишке ашырылды.

Жалпы узундугу 1823 метр болгон коргоочу курулмалар (700 м тосмо, 1023 м канал, тундурма) 437 турак-жайды, социалдык объекттерди жана 30 га айыл чарба жерлерин коргойт.

2024–2025-жылдардагы селден кийин каналдар толуп, тундурмаларга кум-шагыл жана камыш топтолуп, системанын иштеши начарлаган.

Аткарылган иштер: • 1723 метр аралыкта механикалык тазалоо жүргүзүлдү

• 100 метр тундурма 1 метр тереңдикте тазаланды

• Жалпы көлөмү: 24 065 м³

Бул иштер сел коркунучун азайтууга жана калктын коопсуздугун камсыз кылууга багытталган.

Жүргүзүлгөн иштер 2026-жылдын 13-апрелинде толук бүткөрүлдү.